Batavia str 3, Bloubergstrand - Tel nr: 021 554 1290 - Faks nr: 086 591 5147 - E-pos: ngkblouberg@mweb.co.za

Tuis Wie is Ons? Erediens Bedienings Jeug Groepe Aktueel Kontak

EREDIENSTE:

08:30 - Gesinsdiens met junior kategese
10:00 - Erediens met orrelbegeleiding
17:30 - Jeugdiens met senior kategese
19:00 - Aanddiens (Praise & Worship)

Let op dat daar slegs 10:00 en 19:00 eredienste tydens die Jun & Des skoolvakansies sal wees.

 

 

LERAARS:

Ds Thinus Britz
Sel nr: 082 603 5508
E-pos: thinus@ngkbloubergstrand.co.za

Ds Elmarie Dercksen
Sel nr: 083 276 4944
E-pos: elmarie@ngkbloubergstrand.co.za

Ds Marietjie Steyn
Sel nr: 083 461 1220
E-pos: marietjie@ngkbloubergstrand.co.za

MAATSKAPLIK:

Thamar Jacobs
Tel: 021 554 3268
E-pos: thamar@ngkbloubergstrand.co.za

BANKBESONDERHEDE:

NG Kerk Bloubergstrand
ABSA Tableview (334409)
Rek nr: 327 014 0539

 

 

Die kerkkantoor is gesluit op Donderdag en Vrydag 27 & 28 April, asook Maandag 1 Mei. In 'n noodgeval kontak ds Elmarie Dercksen.

 

KALENDER

2 Apr 2017:
Doop 10:00

14 Apr 2017:
Goeie Vrydag 08:30 & 10:00 - Nagmaal

16 Apr 2017:
Paasfees 08:30, 10:00 & 19:00

30 Apr 2017:
Deurkollekte: Midde-Ooste Sending - Suzan Kirsten

1 Mei 2017:
Werkersdag

7 Mei 2017:
Doop 10:00

14 Mei 2017:
Moedersdag

25 Mei 2017:
Hemelvaartdiens 19:00

28 Mei 2017:
Deurkollekte: Alta du Toit Nasorg

29 - 31 Mei en 1 Jun 2017:
Pinkster 19:00

4 Jun 2017:
Pinksterfees - Nagmaal 10:00

11 Jun 2017:
Nagmaal 08:30 & Doop 10:00

16 Jun 2017:
Jeugdag (Kerkkantoor gesluit)

14 Jun 2017:
Vadersdag

20 Jun 2017:
Kerkraadsvergadering

25 Jun 2017:
Nagmaal 17:30 & 19:00
Deurkollekte: Huis Zonnekus

30 Jun 2017:
Skole sluit; Namibië Uitreik Vertrek

2 Jul 2017:
Doop 10:00 (Slegs 10:00 & 19:00 dienste)

3 - 7 Jul 2017:
Pretweek 09:00 - 12:00 (Junior Jeug)


SKAKELS

BlouBloggie

Facebook

Kerkbode

Wes & Suid-kaap Sinode

Algemene Sinode


Adres:

Batavia str 3, Bloubergstrand, 7441
Posbus 17, Bloubergstrand, 7436
Tel: 021 554 1290
Faks: 086 591 5147
E-pos: ngkblouberg@mweb.co.za
Kantoorure: Ma - Vry 08:30 - 12:30


Aanwysings deur Google Maps

Aanwaysings

 

 

 

WELKOM

Welkom by die NGK Bloubergstrand se webtuiste. Ons hoop dat jy al die inligting sal vind waarna jy op soek is en dat die webtuiste vir jou gebruikersvriendelik is. Ons glo dat die liefde waarmee die webtuiste ontwerp is, vir jou tot seën sal wees.

 

NUUS

Gemeente Brief

Dit is sowaar al einde Maart.  Die jaar het met ‘n spoed begin.  Die eerste kwartaal het vreeslik baie hoogtepunte gehad.  Marietjie en Niel se seuntjie is gebore.  Die pretstap, die gholfdag en die junior jeug kamp is al agter die rug.  Al drie hierdie geleenthede was reuse suksesse. Ons het die pastorie se kombuis opgeknap en is nou besig met die kerksaal.  As die eerste kwartaal die koers vir die jaar gaan bepaal, gaan dit ‘n wonderlike jaar wees.

lees meer...

UIT DIE MODERATUUR

25 April 2017

Jeremia 18: 3-4 “Ek is toe af na die pottebakker se huis toe, en hy was juis besig om iets op die skyf te maak. Maar die ding wat hy aan die maak was uit die klei, het misluk, en hy het toe iets anders gemaak soos hy dit wou hê.”

Alles het verander. Die politieke en ekonomiese konteks wat tans in Suid-Afrika heers, lok ’n verskeidenheid van reaksies by ons uit: van intense woede tot totale apatie. Die droom van ’n post-’94 reënboognasie lê byna aan skerwe en die samelewing is onseker oor die pad wat voorlê. Tydens die afgelope moderatuursvergadering het ons ruim tyd geneem om te besin oor die huidige situasie in Suid-Afrika en die uitdagings wat dit aan die kerk bied.

Ons het ook na stemme op gemeentevlak geluister, stemme wat vertel het van die krag van innerlike, geestelike transformasie wat benodig word in konflik- en oorgangstye – klei wat weer gevorm moet word, hervorm of as’t ware gereformeer moet word. Is ons nie nou juis in ’n tyd waar die kerk terug is op die skyf in die pottebakker se huis nie? Alles het verander.

Ons is bemoedig deur 2 Korintiërs 4: 1-18, wat ons daaraan herinner dat ons kleipotte broos is en dit breek. Die skat in ons, die krag van die heerlikheid van God, skemer juis deur in ons broosheid. En daarom skep ons moed, want ons hoop is gesetel in die versekering dat die Pottebakker ons nog steeds in sy hand het en dat Hy nie die werk van sy hande laat vaar het nie. Geen politieke of ekonomiese toestande of droogte het die laaste sê oor Suid-Afrika nie. Ons herinner mekaar aan ons verbintenis aan ons land en al sy mense. Dit sal goed wees as gemeentes by alle eredienste spesifiek vir ons land en sy mense sal bly bid.

God se naby-wees in ons eie broosheid spoor ons ook aan om naby te wees aan weerlose mense, uitgelewerde mense en verontregte mense, juis in hierdie moeilike tye. Daar waar gelowiges ’n stem raak vir stemloses in die samelewing, daar waar vrede en geregtigheid hande vat en getuig van Christus se opstanding en lewe. Mag die Here, deur sy genade, vir ons almal die geleentheid gee om so te kan getuig van ons hoop in hierdie onseker tye. Laat ons nie vergeet dat Paastyd vertel van die Lig wat deurgebreek het nie.

Die moderatuur se beplande streeksbesoeke vind aan die begin van Meimaand plaas. Ons sien uit daarna om mekaar te sien, na mekaar te luister en saam te besin oor sake wat ons sinodale streke raak. Die streeksbyeenkoms van die middag van 9 Mei op Wellington is doelbewus gereël om saam te val met die Andrew Murraygedenkgesprek wat dieselfde oggend by die Hugenote Kollege plaasvind. Die moderatuur wil graag leraars en gemeenteleiers aanmoedig om hierdie gedenkgesprek by te woon en daarna te bly vir die streeksbyeenkoms, ongeag van watter streek hulle afkomstig is.

Die afgelope naweek is gekenmerk deur gelowiges wat regoor die land voor die Here in gebed gekniel het. Kom ons hou aan met bid:

  • ’n dankgebed vir goeie reën wat oor dele van ons streek uitgesak het;
  • ’n smeekgebed vir die Kaapse metropool se damme wat byna leeg is en die ander gebiede in nood; en
  • ’n intreegebed vir ons land se regering en ekonomie.

Seën en vrede.

Melanie Thirion
Namens die moderatuur

 

PRETSTAP 2017

Ons pretstap/draf is elke jaar ‘n groot hoogtepunt en dis om die draai!!!  Pretstap 2017 vind plaas op Saterdag 25 Feb 2017 om 07:00.  Entry Ninja gaan weer die aanlyn inskrywings hanteer en op die dag vir ons help met inskrywings, registrasies en tye.  Ons het 3 afstande sodat die hele familie kan deelneem: 3km, 5km en 8km. Aanlyn inskrywings kan gedoen word by https://www.entryninja.com/events/event/12801 en gedrukte inskrywingsvorms is in die voorportaal beskikbaar.


Die fondse is weer ten bate van Echo Jeug Ontwikkeling.  Hulle het tans 'n huis in Tableview vir mans en 'n huis in Durbanville vir vroue en in Januarie het hulle ook ‘n huis in Stellenbosch oopgemaak. Die huise bied 'n ondersteuningsisteem vir jongmense wat uit kinderhuise of rehabilitasie sentrums kom. Die fokus is om hierdie jongmense basiese lewensvaardighede te leer, te help om werk te vind of te studeer en om hulle deel te maak van ‘n gemeenskap wat vir hulle omgee en liefhet. Om hiermee te help woon daar ook jongmense wat 'n behoefte het om 'n verskil te maak, saam in die huis. Vir meer inligting kontak gerus vir Niel Steyn by niel@echoyouth.co.za of 084 688 1080.

PRETSTAP HULP EN SKENKINGS
Ons wil graag weer pryse en 100 geskenksakkies uitdeel. Ons benodig pryse vir die gelukkige trekking en enige klein items wat ons in die geskenksakkies kan sit. Die skenkings kan by die kerkkantoor afgelaai word.  Ons benodig ook asb. marshalls om die roete te help beman. Navrae: Franselene 021 554 1931